「我知影恁可能攏聽有台語，毋過猶原希望用翻譯ê方式，表示阮ê 尊重佮重視」
身驅幔阿祖刺ê膨紗衫，就按呢開始即席開場，即席口譯。
感謝Sifo，感謝阿祖佮所有ê來賓。
阿美族語意識宣講及族語學習家庭資源包推廣師資培訓課程（二）
主辦單位：原住民族委員會阿美族語言推動組織
承辦單位：台灣阿美族語言永續發展學會
2022/10/28
自從知影Sifo這个人，到真正見面，
已經經過一、兩年，對我來講，
伊毋是啥物高高在上ê理事長，
是對伊ê囡仔講族語ê老爸，
跨文化語言復振ê有志。
頂禮拜台灣阿美族語言永續發展學會來樂暢辦
族語意識宣講佮族語家庭推廣培訓課程。
這幾年中間，阮一直佇咧思考，
若準袂曉講族語，
敢有才調做講族語ê「安心空間」？
先將活動ê主題用阿美拼音寫佇咧白枋，
將阿美族語ê繪本排出來，
頭一個貴賓到位了後，伊開始看繪本，
問伊想欲聽啥物音樂，伊講攏會使，
就先放台語歌單，聽了三首歌，
伊家己來問我，敢會使改做阿美族ê 歌曲？
當然會使！規个氣氛就著啊！
伊講伊應該對我介紹家己ê族語名，
阮嘛佮伊請教你好、多謝、再會等等，
上基本阿美族語ê講法。
在座大部分是阿美族語ê語推老師，
活動開始了後，用台語佮阿美族語對譯
來起頭，表示阮ê重視佮尊重，
攏無佮Sifo先講好，實在對伊歹勢😆
袂輸共人考試仝款，有盡量講較簡單咧！
莫kah人造成困擾，佳哉伊真正是博士博！
一切攏真順利進行！
店長是客人講客語，我講台語，
各人用各人ê語言，場地介紹ê時陣，
人客甚至鼓勵我講台語就會使，
實在真甘心！經過規下晡，
阿美族語是南島語系ê款，佮台、華、客語
全無仝，若真正講起來，有可能會完全
攏聽無，但是！
若規个活動是以族語為主體，
按呢猶是會當創造「族語ê安心空間」！
感謝
Pipalofasaran to Sowal no Pangcah/'Amis
台灣阿美族語言永續發展學會/原民會阿美族語言推動組織
感謝 Sifo Lakaw
咱逐家用實際行動來顯現語言平權！
__________________________
如果不會說族語，
有資格做「族語安心空間」嗎？
過去我們一直沒有信心，
如果活動設計本身，將族語視為主體，
我想是可以的，用尊重而尊敬的心來接待來賓，
相信他們能感受到的，謝謝你們的光臨，
讓我們更有信心往下做下去，
講族語的就講族語，講客語的講客語，
講台語的就繼續講台語，
講甚麼語就寫什麼文，大家都做自己，
真是太好了啊！
謝謝你們遠到而來，讓我們知道我們可以，
也很開心能做些事。
＃台灣阿美族語言永續發展學會 ＃樂暢親子共學空間
＃出租空間 ＃台北車頭 ＃台北市 ＃大同區
Comments